Սաքրամենթոյի շրջանում (Քալիֆորնիայի նահանգ) տղամարդը հրդեհված մեքենայից երկու մարդու է հանել, հայտնում է SlavicSac.com պորտալը:
Հաղորդվում է, որ հրդեհով վթարը տեղի է ունեցել Ջեքսոն եւ Իգլզ-Նեսթ փողոցների խաչմերուկում: Գրիգորի Սույանշալիեւը մոր՝ Նադեժդայի հետ ընթացել է Sunrise փողոցի կողմից՝ սլավոնական եկեղեցու ուղղությամբ, երբ կողքից ընթացող հուղարկավորության մեքենան չի կանգնել Stop նշանի մոտ: Գրիգորին ստիպված էր մանեւրել, սակայն բախումն անխուսափելի էր:
Քալիֆորնիայի ճանապարհային ոստիկանության սպաների խոսքով՝ «Հոնդա»-ն եւ տուժողների մեքենան հարվածից թռել են դեպի ճամփեզր, որտեղ վերջինը հրդեհվել է:
Այդ ժամանակ Գրիգորին իր ծռմռված «Հոնդա»-ից դուրս է թռել, համոզվել, որ մայրն անվտանգության մեջ է եւ այրվող մեքենայից երկու մարդկանց դուրս է բերել:
Վթարի չորս մասնակիցները տարբեր աստիճանի կոտրվածքներով տեղափոխվել են հիվանդանոց, նրանցից ոչ մեկը լուրջ վնասվածք չի ստացել: Քալիֆորնիայի ճանապարհային ոստիկանությունը հետաքննություն է կատարում:
