Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Թայիփ Էրդողանը հեռախոսազրույցում քննարկել են Սիրիայի իկրավիճակը: Հեռախոսազրույցը տեղի է ունեցել թուրքական կողմի նախաձեռնությամբ: Նրանք նշել են ահաբեկչության դեմ պայքարում համատեղ ջանքերի կարեւորությունը, փոխանցում է ՏԱՍՍ-ը:

HaberTurkը, վկայակոչելով Թուրքիայի նախագահի աշխատակազմում իր աղբյուրները, հայտնել է, որ Էրդողանը «Պուտինին տեղեկացրել է (Սիրիայում Թուրքիայի բանակի) «Եփրատի վահան» գործողության մասին»: Դրանից բացի, քննարկվել են Հալեպ հումանիտար օգնություն հասցնելու ջանքերի ինտենսիվացման հնարավորությունները: