Իտալիայում տեղի ունեցած երկրաշարժից հետո, օգոստոսի 25-ի դրությամբ, փլատակների տակից 238 մարդու են դուրս բերել: Այս մասին գրում է իտալական Ansa գործակալությունը՝ վկայակոչելով Քաղպաշտպանության դեպարտամենտը: Իտալիայի ՆԳ նախարար Անջելինո Ալֆանոն դա հրաշք է կոչել:
«Մարկե եւ Լացիո շրջաններում փրկարարական տեխնիկան կատարյալ վիճակում է եւ հրաշք է գործել: Անհավանական արդյունք է, լույսի շող՝ խավարի անսահման ծովում»,- հայտարարել է փրկարարների շարժական ճամբար այցելած Ալֆանոն:
Աղետի գոտում ավելի քան 2 հազար հրշեջներ եւ 400 միավոր տեխնիկա է աշխատում: