ՄԱԿ Անվտանգության խորհուրդը դատապարտել է Հյուսիսային Կորեայի կողմից հերթական բալիստիկ հրթիռի արձակումը: ԱԽ անդամները համաձայնել են Փհենյանի գործողություններին ի պատասխան արտակարգ միջոցառումներ կիրառելուն: Բավական կոշտ հայտարարությանն աջակցել է նաեւ Չինաստանը, որը սովորաբար Հյուսիսային Կորեային աշխարհում իր հիմնական դաշնակիցն էր համարում, հայտնում է BBC-ն:
Այս շաբաթ Հյուսիսային Կորեան բալիստիկ հրթիռի արձակում է իրականացրել Ճապոնական ծովում սուզանավից: Հարավային Կորեայի եւ ԱՄՆ տեղեկություններով՝ հրթիռը 480-500 կմ տարածություն է անցել եւ ծովն ընկել:
