ԱՄՆ նախագահ Բարաք Օբաման 4 անգամ մեծացրել է Հավայան կղզիների ծովային արգելոցի մակերեսը՝ այդպիսով այն աշխարհում խոշորագույնը դարձնելով, փոխանցում է BBC-ն:
Փապանաումոկեա ազգային ծովային արգելոցը 2006 թվականին հիմնել է Ջորջ Բուշ-կրտսերը : Այժմ արգելոցի ջրատարծքը կազմում է 582578 քառակուսի մղոն (գրեթե 1,5 մլն քառ.կմ), ինչը ավելի քան 2 անգամ գերազանցում է Թեքսասի մակերեսը:
Արգելոցի կարգավիճակը արգելում է կոմերցիոն ձկնորսությունը եւ օգտակար հանածոների արդյունահանումը: Ընդունված որոշումը նպատակ ունի պաշտպանելու ջրաշխարհի բնակիչների 7 հազարից ավելի տեսակների: