Գյումրիում օգոստոսի 25-ին շենքի 4-րդ հարկի պատշգամբից ընկած 2-ամյա Հովհաննես Մանուկյանի վիճակում կայունացում է նկատվում: Այս մասին NEWS.am-ին հայտնեցին «Սուրբ Աստվածամայր» ԲԿ-ից, որտեղ այժմ գտնվում է երեխան:
Այնուամենայնիվ, հիվանդանոցից նշեցին, որ դեռ վաղ է ասել, որ փոքրիկի կյանքին վտանգ չի սպառնում:
Նշենք, որ 2-ամյա փոքրիկի գանգի ոսկորը կոտրված է, պարանոցային ողը՝ նույնպես, նա գլխուղեղի սալջարդ ունի:
Հիշեցնենք, որ երեխայի տեղափոխել էին «Գյումրիի «Մոր ու մանկան ավստրիական հիվանդանոց», որտեղից 15 րոպե անց՝ Երեւան:
NEWS.am-ի տեղեկություններով՝ երեխան մոր հետ դուրս է եկել պատշգամբ ու ճաղավանդակների արանքից ցած ընկել: