Բուլղարիայի Կյուստենդիլ քաղաքի մասնագետները վառելիքի նոր տեսակ են ստեղծել հակակարկտային հրթիռների համար: Դրա հիմքում կեռասի պտուղների վերամշակումից ստացված նյութն է, հայտնում է ՏԱՍՍ-ը:
Դա այսօր հակակարկտային հրթիռների համար գործածվող պինդ վառելիքի էկոլոգիական փոխարինող կարող է լինել: Գլխավոր առավելությունը թունավոր քլորային արտանետումների բացակայությունն է: Բացի դրանից նոր վառելիքը շատ ավելի էժան է ու հեշտ է պահպանվում, հայտնել է Standart թերթին Քրիստոֆեր Սկանդալիեւը, «Զոդիակ» աէրոտիեզերկան տեխնոլոգիաների ակումբի ղեկավարներից մեկը, որտեղ էլ հենց ստեղծվել է այս վառելիքը: Նա ճշգրտել է, որ նոր վառելիքով աշխատող փորձարարական հակակարկտային հրթիռի փորձարկումները հաջող են անցել:
Վառելիք ստանալու համար գործածում են ցածրորակ պտուղներ՝ գերհասունացած, փտած, չորացած, որոնք առաջ պարզապես դեն էին նետում: Կեռասի առաջնային վերամշակումից հետո ստացվում է բիոզանգված, որը շաքարի մեծ պարունակություն ունի, որից էլ հետագայում ստանում են վառելիքը: Նման նյութի մի քանի գդալ բավական է, որպեսզի երկու կիլոգրամանոց հրթիռը ավելի քան 600 մետր բարձրություն հաղթահարի:
Կարկտի դեմ պայքարից բացի նման մինի հրթիռները կարող են ծառայել ամենատարբեր գիտական նպատակների համար, նշել են Կյուստենդիլի նորարարները:
