Իրանը կօգնի մյութ նավթարտադրողներին կայունացնել համաշխարհային շուկան, եթե ՕՊԵԿ-ի մյուս ներկայացուցիչները ճանաչեն շուկայի իր մասնաբաժնի վերականգնման իրավունքը, ասել է ԻԻՀ նավթի նախարար Բիժան Նամդար Զանգանեն, հաղորդում է Reuters-ը։
Բացի այդ, Զանգանեն, մեկնաբանելով նավթի արդյունահանումը սառեցնելու առաջարկը, ասել է, թե Իրանն աջակցում է շուկայի կայունացման ցանկացած ջանքերին։ «Իրանը համագործակցելու է ՕՊԵԿ-ի հետ՝ օգնելու նավթային շուկայի վերականգմանը, սակայն ակնկալում է, որ մյուսները կհարգեն իր իրավունքը»,- նշել է նախարարը։
Թեհրանը պնդում է, որ պատրաստ կլինի համատեղ ջանքերին, երբ վերադառնա նախապատժամիջոցային, օրական 4 մլն բարել արդյունահանման ծավալներին։ ՕՊԵԿ-ի տվյալներով, հուլիսին Իրանն արդյունահանել է օրական 3,6 մլն բարել։