Հնդկական տիեզերական հետազոտությունների գործակալությունը (ISRO) հիպերձայնային հրթիռային շարժիչ է փորձարկել, որը թույլ կտա շուրջ 10 անգամ նվազեցնել հրթիռների արձակման արժեքը: Այս մասին գրում է ՏԱՍՍ-ը՝ վկայակոչելով NDTV հեռուստաալիքը:
Փորձարկումը կատարվել է Սաթիշ Ջավանի անվան հետազոտական կենտրոնի տիեզերակայանում: Նոր սարքն աշխատել է շուրջ 5 վայրկյան՝ հաստատելով ակնկալվող բնութագրերը:
SCRAMJET շարժիչը թույլ կտա կտրուկ կերպով նվազեցնել հրթիռների քաշը, իսկ դրանց արձակումը՝ էժանացնել: Ներկայում մեկ կիլոգրամ օգտակար բեռ տիեզերք դուրս բերելու համար շուրջ 20 հազար դոլար է անհրաժեշտ:
Նշվում է նաեւ, որ առայժմ աշխարհում միայն ԱՄՆ-ն եւ Ավստրալիան են հաջողությամբ նման համակարգեր փորձարկել: