Ամերիկայի Միացյալ Նահանգներից հետազոտողները հարցում են անցկացրել աշխարհի տարբեր երկրների բնակիչների շրջանում եւ պարզել են, որ ոմանք ծերությունից ավելի են վախենում, քան մահից, հայտնում է Informing-ը:
Հարցմանը տարբեր ազգությունների մի քանի հազար մարդ է մասնակցել: Պարզվել է, որ մեր մոլորակի ամեն վեցերորդ բնակիչը կնախընտրեր երիտասարդ մեռնել ծերությունից եւ տարիքային հիվանդություններից խուսափելու համար:
Մասնագետների խոսքով, ծերությունը որոշ հարցվածների անհամեմատ ավելի սարսափելի երեւույթ է թվում, քան մահը:
Հարցվածների մեծամասնությունը ծերություն է համարում 80 տարեկանը: Բոլոր հարցվածների մեկ քառորդը կցանկանար ապրել մինչեւ 90 տարեկան, իսկ ոմանք նույնիսկ իրենց 100-ամյա հոբելյանը տոնելու ցանկություն են հայտնել:
Արժե նշել, որ տղամարդկանց եւ կանանց վերաբերմունքը ծերությանը մոտավորապես միանման է: Իսկ կախված ազգությունից` տարբեր երկրների բնակիչները հարցերին տարբեր կերպ են պատասխանել:
Այսպես, Լատինական Ամերիկայում բնակիչները կցանկանային երիտասարդ մեռնել, իսկ աֆրիկացիները, ընդհակառակը, կցանկանային դիմավորել ծերությունը: