«Չորրորդ իշխանություն» թերթը գրում է. «Շիրակի մարզի Սարատակ գյուղում հոկտեմբերի 2-ին ՏԻՄ ընտրություններ են: Եվ ահա քարոզարշավի շեմին 10 տարվա ՀՀԿ-ական գյուղապետ, այժմ էլ թեկնածու Ղրզոյան Միշայի որդին կին է ծեծում՝ թոշակառու Սվետլանա Վարդանյանին: «Ամսի 21-ին, երեկոյան, վերադառնում էի հորեղբորս տնից: Տնից ոչ հեռու ինձ վրա հարձակվեց մեկը, բռունցքով հարվածեց գլխիս: Ես ընկա գետնին, հետո սկսեց ոտքերով, ձեռքերով հարվածել: Դեմքը ճանաչեցի, գյուղապետի տղեն էր՝ Արթուր Ղրզոյանը: Գյումրիում է աշխատում, գազի գրասենյակում: Մի կերպ ինձ հավաքեցի, վեր կացա, գնացի հետեւից, փախավ, մի ընկեր էլ իրեն միացավ, երկուսով վազեցին»,- «ՉԻ»-ի հետ զրույցում պատմեց թոշակառու կինը:
Սկզբում նա չի բողոքել: «Մեր գյուղացի է, մտածեցի՝ կգան, կընդունեն, կանցնի, կգնա»-ասաց Սվետլանա Վարդանյանը: Բայց նեողություն խնդրող չեղավ:
Դրա փոխարեն Սցետլանա Վարդանյանի հասցեին, ինչպես ինքն է վստահեցնում, գյուղապետը սպառնալիքներ է հնչեցրել. «Հանկարծ տղիս գլխից մազ չպակասի, կկորցնեմ, սաղ սրբերը կուրանամ, ում ուզում եք բողոքեք, անգամ ՀՀ նախագահին, 1000 հոգի կբերեմ, կասեն, որ թոշակ չեն ստացել, քեզ նստացնել կտամ»,-ասել է ՀՀԿ-ական թեկնածուն:
Բայց այսքանով գյուղապետի «գործունեությունը» չի սահմանափակվել։ Վարդանյանների փոխանցմամբ՝ գյուղապետը այստեղ-այնտեղ հպարտացել է ոստիկանների շրջանում իր կապերով, հայտարարել է, թեւ ինքը շատ մոտ է Արթիկի միլպետի հետ, եւ իրեն ոչ ոք ոչինչ չի կարող անել։
Նկատենք, որ նախկինում Սվետլանա Վարդանյանը փոստատան աշխատակից է եղել, թոշակ է բաժանել, իսկ թոշակի գնալուց հետո վերջերս մարզպետարանից առաջարկ է ստացել՝ տեղի դպրոցում հաշվապահ աշխատել։ Վարդանյանի ընտանիքում կարծում են, որ հենց այս առաջարկն է պատճառ դարձել, որ նրա դեմ բռնություն կատարեն։ «Նրանց թվում էր, թե մայրիկս աշխատելու է Միշա Ղրզոյանի մրցակցի՝ գյուղապետի մյուս թեկնածուի օգտին», պատմեց Սվետլանայի դուստրը՝ Աննան։ Այսինքն՝ տիկնոջը ծեծելու առիթը եղել է ՀՀԿ-ական թեկնածուի այն կասկածը, թեւ իբր տիկինը կարող է աշխատել հակառակորդ թեկնածուի օգտին»:
Առավել մանրամասն՝ թերթի այսօրվա համարում