Հայաստանի ԱԻՆ-ում, այսօր՝ օգոստոսի 30-ին, ժամը 01.42-ին ահազանգ է ստացվել, որ Երեւան-Արարատ ավտոճանապարհին՝ «Մասիս-Էջմիածին» ցուցանակի մոտակայքում, տեղի է ունեցել ավտովթար. կան տուժածներ, անհրաժեշտ է փրկարարների օգնությունը:
Դեպքի վայր է մեկնել երկու մարտական հաշվարկ:
Պարզվել է, որ Երեւան-Մեղրի ավտոճանապարհի 7-րդ կմ-ում «KIA Sorento» մակնիշի 77 AA 274 համարանիշի ավտոմեքենան դուրս է եկել երթեւեկելի հատվածից եւ բախվել ճամփեզրի արգելապատնեշին, ինչի հետեւանքով ուղեւոր՝ 40-ամյա Վ. Հ.-ն տեղում մահացել է, իսկ 29-ամյա Մ. Ս.-ն եւ 21-ամյա Ս. Ա.-ն տարբեր աստիճանի մարմնական վնասվածքներով տեղափոխվել են Մասիսի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները Վ. Հ.-ի դին դուրս են բերել ավտոմեքենայից եւ հանձնել շտապօգնության աշխատակիցներին:
