Ղրղզստանի փոխվարչապետ Ժենիշ Ռազակովը հայտնել է, որ Բիշքեքում Չինաստանի դեսպանատան տարածքում որոտացած պայթյունը ահաբեկչություն է, հայտնում է Zanoza.kz-ն:
«Մեքենան մտել է դեսպանատան տարածք՝ 40-50 մետր հեռավորության վրա, դա մահապարտ ահաբեկիչ էր»- ասել է նա:
Ղրղզստանի մամուլի ծառայությունը նաեւ հաղորդագրություն է տարածել, որում հայտնել է, որ դեսպանատան տարածքում պայթյունը ահաբեկչական գործողություն է համարում, հայտնում է «ՌԻԱ Նովոստին»:
Բիշքեքում օգոստոսի 30-ին տեղական ժամանակով մոտ 9:40-ին Չինաստանի դեսպանատան տարածքում պայթյուն է եղել, հայտնում է АКИpress–ը:
Պայթել է Mitsubishi Delica մակնիշի մեքենան, որը բախվել էր արեւմտյան դարպասներին: Պայթյունի հետեւանքով մահացել է վարորդը, տուժել է երեք մարդ: