Հովհաննես Հարությունյանի վիրահատությունը կլինի 10-14 օր հետո, որովհետեւ նրա ոտքի վերքը թույլ չի տալիս վերջնական ֆիքսացիայի մասին խոսել: Այս մասին, այսօր՝ օգոստոսի 30-ին, լրագրողների հետ զրույցում նշել է «Էրեբունի» ԲԿ-ի տնօրեն Միքայել Մանուկյանը:
Նրա խոսքով, թե Հովհաննես Հարությունյանի, թե «Դատապարտյալների հիվանդանոցում» գտնվողն մյուս վիրավորների վիրահատությունը կարող է կատարվել միայն վերքերը լավանալուց 1-2 շաբաթ անց. «Միայն դրանից 1-2 շաբաթ անց կարող ենք անվտանգ վիրահատել, որ նվազեցնենք ինֆեկցիայի վտանգները»:
Միքայել մանուկյանը նշեց, որ մետաղական հարթակը, որը դրվում է վիրահատության ժամանակ, մեկ տարի հետո հանվում է օրգանիզմից, բայց այդ վիրահատություններն այնքան փոքր են, որ հիվանդը մեկ օր է գտնվում հիվանդանոցում:
Միքայել Մանուկյանը նշեց, որ քիչ հետո սկսվելու է նաեւ «Սասնա ծռերից» Աշոտ Պետրոսյանի (նկարիչ Աշոտ) վիրահատությունը, որը կտեւի 2-2,5 ժամ: «Թե Արամ Մանուկյանի, թե Աշոտ Պետրոսյանի ոտքը չի կարճանալու»,- ասաց նա: