Ուզբեկստանում չեղարկվել է օգոստոսի 31-ին նախատեսված անկախության 25-ամյակին նվիրված պաշտոնական տոնակատարությունը: Այս մասին հայտնում է BBC-ն:
Նախորդ տարիներին այդ օրը Ուզբեկստանի նախագահ Իսլամ Քարիմովը սովորաբար հանդես էր գալիս հանրության առաջ:
Նախօրեին տեղեկություններ են տարածվել, որ նա կաթված է ստացել եւ ծանր վիճակում տեղափոխվել է հիվանդանոց: Առայժմ հայտնի չէ՝ տոնական հանդիսությունները հատկապես նախագահի հիվանդությա՞ն պատճառով են չեղյալ հայտարարվել: Նաեւ հայտնի չէ՝ սեպտեմբերի 1-ին տեղի կունենա՞ն ժողովրդական ավանդական զբոսանքները: