Իրանի իշխանությունները եւս մեկ քայլ են արել սեփական համացանցը ստեղծելու ուղղությամբ, որը մեկուսացած կլինի համաշխարհային սարդոստայնի մնացյալ հատվածից: Վերջերս Թեհրանում ավարտել են լայնածավալ նախագծի առաջին փուլը, որը ենթադրում է համացանցը ներքին ազգային ցանցով փոխարինում: Այս մասին հաղորդում է Վեստին:
Հաշվարկների համաձայն՝ «Ազգային ինֆորմացիոն ցանցը» 60 անգամ ավելի արագ է աշխատելու, քան գործող ինտերնետ-ենթակառուցվածքը: Նման արագությունն ապահովվում է օպտիկա-մանրաթելային մալուխների համատարած տարածման, ինչպես նաեւ տվյալների մշակման տեղական կենտրոնների օգտագործման հաշվին:
Ներկայում Իրանում ներբեռնման միջին արագությունը չի գերազանցում 2 Մբիթ/վ-ը: Դա ավելի պակաս է, քան Ուզբեկստանում, Լիբանանում եւ նույնիսկ Բելիզում (ԱՄՆ-ում՝ 21 Մբիթ/վ):
Իրանի նախագահ Հասան Ռոուհանիի խոսքով՝ «հուսալի, կայուն եւ անվտանգ» ցանցի գործարկումը կարագացնի երկրի զարգացումը եւ «պետության անկախության առանցքային բաղադրիչներից» կդառնա: