Օրակարգի բոլոր հիմնական արդիական հարցերը նախատեսվում է քննարկել ԵԱՀԿ երկրների ԱԳ նախարարների ոչ պաշտոնական խորհրդում: Այս մասին հայտնել է հանդիպման կազմակերպիչ Գերմանիայի ԱԳ նախարար Ֆրանկ Վալտեր Շթայնմայերը: Հանդիպումը տեղի կունենա սեպտեմբերի 1-ին Պոտսդամում:
«Ճգնաժամերով լի աշխարհում ԵԱՀԿ դերը, թերեւս, կարեւոր է, քան երբեւէ: Դա վերաբերում է ճգնաժամային կառավարմանը Ուկրաինայի արեւելքում, Մերձդնեստրում, Լեռնային Ղարաբաղում եւ այլ հակամարտություններում»,-հայտարարել է գերմանացի նախարարը, հաղորդում է Գերմանիայի ԱԳՆ-ն:
Նրա խոսքով, գերմանական պատվիրակությունը նախատեսում է Պոտսդամում քննարկել բոլոր կարեւոր թեմաները, ինչպես նաեւ միջազգային ահաբեկչության եւ փախստականների հարցերը: