Թուրքիայի վարչապետ Բինալի Յիլդիրիմը հայտնել է Ուզբեկստանի նախագահ Իսլամ Քարիմովի մահվան մասին, չնայած երկրի իշխանությունների կողմից պաշտոնական հաղորդագրության բացակայությանը: Այդ մասին, հայտնում է BBC-ն, Յիլդիրիմը հայտնել է տեղի հեռուստատեսությամբ ելույթ ունենալիս:
Աղբյուրի համաձայն, ուզբեկական Սամարղանդ քաղաքի օդանավակայանը սեպտեմբերի 3-ին փակ կլինի բոլոր ինքնաթիռների համար, բացի նրանցից, որոնք թռիչքի կամ վայրէջքի հատուկ թույլտվություն կստանան: Այդ մասին տեղեկությունը հայտնվել է օդաչուների տեղեկացման միջազգային NOTAM համակարգում:
Ուզբեկստանի կառավարությունը ուրբաթ առավոտյան հաղորդել է, որ Քարիմովը կրիտիկական վիճակում է: Հաղորդագրության համաձայն, որը միաժամանակ ընթերցել են պետական ալիքների հաղորդավարները, վերջին օրերին Քարիմովի առողջական վիճակը կտրուկ վատացել էր:
