Հոկտեմբերի 13-ին, ժամը 19.30-ին, երկաթգծի «Երեւան» կայարանի ոստիկանության գծային բաժնի ծառայողները, գողություն կատարելու կասկածանքով, Տավուշի մարզի Ազատամուտ գյուղից բերման են ենթարկել 16-ամյա Լյովա Ու.-ին:
Ոստիկանության մամուլի ծառայությունից NEWS.am-ին հայտնում են, որ նա խոստովանել է, որ օգոստոսին «Հարավկովկասյան երկաթուղի» ՓԲԸ Իջեւան-Ազատամուտ գծահատվածի 324 կմ 1-ից 5-րդ պիկետից քանդել եւ գողացել է ռելսի 300 տակդիրներ, 150 հատ մեծամեխ եւ 1 հատ սլաքային տնտեսության հակառելսի միջատարածք, ինչը 30.000 դրամով վաճառել է 30-ամյա Թաթուլ Մ.-ին:
Նույն օրը բերման ենթարկված Թաթուլ Մ.-ն հայտնել է, որ գողոնը վերավաճառել է գունավոր մետաղների ընդունման կետերից մեկին:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է հետաքննություն:
