Հայաստանի Հանրապետության անկախության 25-ամյակի առթիվ սեպտեմբերի 21-ին կայանալիք ռազմական շքերթի փորձերի անցկացման համար Երեւանի մի շարք փողոցների փակ լինելու պատճառով քաղաքում երթեւեկությունը կաթվածահար է եղել:
Խցանված են Ազատության պողոտան, Սարալանջի փողոցը, Տիգրան Մեծի պողոտան, Խանջյան փողոցը, Հանրապետության հրապարակ տանող փողոցները, Արցախի պողոտան, Բագրատունյաց, Գարեգին Նժդեհի փողոցները, Իսակովի պողոտան, Սեբաստիա փողոցը:
Ոստիկանությունից NEWS.am-ին հայտնեցին, որ խցանումները վերացնելու ուղղությամբ կատարվում են համապատասխան միջոցառումները:
Հիշեցնենք, որ մի քանի օր առաջ ոստիկանությունը հաղորդագրություն էր տարածել, որ փորձերի անցկացման ընթացքում ժամանակավորապես դադարեցվելու է տրանսպորտային երթեւեկությունը մայրաքաղաքի ներքոհիշյալ հատվածներում.
ՍԵՊՏԵՄԲԵՐԻ 16-ին՝
- ժ. 13։30-15։00 – Աճառյան փողոց, Մյասնիկյան պողոտա, Հերացու, Կորյունի փողոցներ, Մեսրոպ Մաշտոցի պողոտա՝ Կորյունի փողոցից մինչեւ Ֆրանսիայի հրապարակն ընկած ճանապարհահատվածը, Մարշալ Բաղրամյանի պողոտա՝ Ֆրանսիայի հրապարակից մինչեւ Մոսկովյան փողոցներն ընկած ճանապարհահատվածը, Մոսկովյան փողոցը՝ Մարշալ Բաղրամյան պողոտայի սկզբնամասից մինչեւ Սարյան փողոցը (Աճառյան փողոցից դեպի քաղաքի կենտրոն երթեւեկության ուղղությամբ),
- ժ. 13:00-22:00 – Իտալիայի, Բեյրութի, Վ.Սարգսյան, Զաքիյան փողոցները, ինչպես նաեւ Մ.Խորենացու փողոցի՝ Մեսրոպ Մաշտոցի պողոտայից Մ.Մկրտչյան փողոցն ընկած ճանապարհահատվածը։ Դադարեցվելու է նաեւ երթեւեկությունը Նալբանդյան եւ Աբովյան փողոցներում՝ Թումանյան փողոցից Հանրապետության հրապարակ, ինչպես նաեւ Վարդանանց փողոցի՝ Հանրապետության փողոցից Սախարովի հրապարակ ընկած ճանապարհահատվածում,
- ժ. 14։00-16։00 – Սարյան փողոցը՝ Թումանյան փողոցից մինչեւ Ամիրյան փողոցն ընկած ճանապարհահատվածը, Ամիրյան փողոցը, Հանրապետության հրապարակը, Տիգրան Մեծի պողոտան՝ Հանրապետության հրապարակից Ագաթանգեղոս փողոցն ընկած ճանապարհահատվածը, ինչպես նաեւ Ագաթանգեղոսի փողոցը,
- ժ. 15։00-20։00 – Խանջյան փողոցի՝ Սայաթ–Նովայի պողոտայից Ագաթանգեղոսի փողոցն ընկած ճանապարհահատվածը (երթեւեկությունը դեպի Գր. Լուսավորչի փողոցի ուղղությամբ), ինչպես նաեւ Տիգրան Մեծի պողոտայի՝ Քրիստափորի փողոցից Հանրապետության հրապարակն ընկած ճանապարհահատվածը։
ՍԵՊՏԵՄԲԵՐԻ 18-ին՝
- ժ. 05։00-16։00 – Սարյան փողոցը՝ Թումանյան փողոցից մինչեւ Ամիրյան փողոց ընկած ճանապարհահատվածը, Ամիրյան փողոցը, Հանրապետության հրապարակը, ինչպես նաեւ Իտալիայի, Բեյրութի, Վ.Սարգսյան, Զաքիյան փողոցները, Աբովյան եւ Նալբանդյան փողոցները՝ Թումանյան փողոցից Հանրապետության հրապարակն ընկած ճանապարհահատվածում, ինչպես նաեւ Վարդանանց փողոցը՝ Հանրապետության փողոցից Սախարովի հրապարակն ընկած ճանապարհահատվածում,
- ժ. 11։00-16։00 – Խանջյան փողոցի՝ Սայաթ–Նովայի պողոտայից Ագաթանգեղոսի փողոցն ընկած ճանապարհահատվածը, Տիգրան Մեծի պողոտայի՝ Քրիստափորի փողոցից Հանրապետության հրապարակն ընկած ճանապարհահատվածը, ինչպես նաեւ Ագաթանգեղոսի փողոցը։
ՍԵՊՏԵՄԲԵՐԻ 21-ին՝
- ժ. 05։00-13։00 – Սարյան փողոցը՝ Թումանյան փողոցից մինչեւ Ամիրյան փողոց ընկած ճանապարհահատվածը, Ամիրյան փողոցը, Հանրապետության հրապարակը,
- ժ. 05։00-15։00 – Իտալիայի, Բեյրութի, Վ.Սարգսյան, Զաքիյան փողոցները, Աբովյան եւ Նալբանդյան փողոցների՝ Թումանյան փողոցից Հանրապետության հրապարակն ընկած ճանապարհահատվածը, ինչպես նաեւ Տիգրան Մեծի պողոտայի՝ Հանրապետության հրապարակից Ագաթանգեղոսի փողոցն ընկած ճանապարհահատվածը,
- ժ. 10։00-13։00 – Տիգրան Մեծի պողոտայի՝ Քրիստափորի փողոցից Ագաթանգեղոսի փողոցն ընկած ճանապարհահատվածը։
Զինտեխնիկայի անվտանգ տեղաշարժման անհրաժեշտությունից ելնելով՝ սեպտեմբերի 16, 18 եւ 21-ին խնդրում ենք տրանսպորտային միջոցներ չկայանել Սարյան փողոցի՝ Թումանյան փողոցից մինչեւ Ամիրյան փողոց ընկած ճանապարհահատվածում, Ամիրյան փողոցում, Հանրապետության հրապարակում, ինչպես նաեւ Տիգրան Մեծի պողոտայի Հանրապետության հրապարակից Ագաթանգեղոսի փողոցն ընկած ճանապարհահատվածում։