Հոկտեմբերի 14-ին, ժամը 15.50-ին, Շտապ օգնության 5-րդ ենթակայանից ոստիկանության Նոր Նորքի բաժնում հաղորդում է ստացվել, որ Նորքի 2-րդ զանգվածի Բագրեւանդի փողոցի 1-ին շենքի բնակարաններից մեկում դանակի հարվածներից մահացել է 32-ամյա Վադիմ Անդրեասյանը:
Ոստիկանության մամուլի ծատռայությունից NEWS.am-ին հայտնում են, որ ձեռնարկված օպերատիվ միջոցառումների շնորհիվ, նույն օրը, ժամը 18.30-ին, Կոմիտասի պողոտայից` սպանություն կատարելու կասկածանքով բերման է ենթարկվել նախկինում չորս անգամ ազատազրկման դատապարտված, 36-ամյա Վլադիսլավ Եդիգարովը:
Պարզվել է, որ նույն օրը, ժամը 15.00-ին, վիճաբանության ժամանակ, Վ. Եդիգարովը դանակով հարվածել է Վ. Անդրեասյանի կրծքավանդակի ձախ թեւատակի վերեւի, թիկունքի աջ վերեւի մասերին եւ սպանել:
Վ. Եդիգարովը ձերբակալված է: Կատարվում է նախաքննություն:
