«Հայաստանի ու ԼՂՀ-ի խորհրդարանների փոխգործակցությունը վաղուց չի սահմանափակվում արձանագրային հանդիպումներով: Մենք տարբեր տեսակի եւ տարբեր ձեւաչափերով թեմատիկ քննարկումներ ենք կազմակերպում` նպատակ ունենալով լուծել կոնկրետ խնդիրներ»,- այս մասին հոկտեմբերի 15-ին ասել է ԼՂՀ Ազգային ժողովի նախագահ Աշոտ Ղուլյանը` ՆԱՏՕ-ի խորհրդարանական վեհաժողովում Հայաստանի պատվիրակության ղեկավար Կարեն ԱՎագյանի հետ հանդիպման ժամանակ:
Հանդիպման ժամանակ կողմերը քննարկել են ԼՂ խնդրի կարգավորման գործընթացի վերջին զարգացումները: Կարեն Ավագյանը ՆԱՏՕ-ի ԽՎ-ում իր կողմից գլխավորվող պատվիրակության աշխատանքի բնույթն ու թեմատիկան: Զրուցակիցներն ընդգծել են միջազգային կառույցներում Հայաստանի պատվիրակությունների ակտիվությունը մեծացնելու կարեւորությունը:
