Անհայտ անձինք Մանիլայում սպանել են անգլիացի բարոնի դստերը, որը, ենթադրաբար, զոհ է գնացել թմրանյութերի դեմ Ֆիլիպինների կառավարութան հայտարարած պատերազմին, փոխանցում է «ՌԻԱ Նովոստի»–ն։
45-ամյա Մարիա Ավրովա Մոյնիխանի մարմինը գտել էին սեպտեմբերի 10-ին Մանիլայի փողոցներից մեկում։ Ոստիկանության գլխավոր տեսուչ Տիտո Ջեյ Քուդենը AFP–ին հայտնել է, որ մարդասպանները դիակի կողքին թռուցիկ էին թողել, որով Մոյնիխանին մեղադրում էին հայտնի մարդկանց շրջանում թմրանյութ իրացնելու մեջ։
Բրիտանիայի քաղաքացին, որը նաեւ Ֆիլիպինների անձնագիր ուներ, 2013–ի փետրվարին թմրանյութերի վաճառքի կասկածանքով կալանավորվել էր Մանիլայի արվարձաններից մեկում, սակայն հետո գրավի դիմաց ազատ էր արձակվել։
Սպանված կնոջ հայրը Էնթոնի Փաթրիք Էնդրյու Քեյնս Բերքլի Մոյնիխանն էր, որը Լիդսի Մոյնիխան բարոններից երրորդն էր։ Նա 1960-ական թթ. փախել էր Ֆիլիպիններից եւ թաքնվում էր Բրիտանիայում։ 1991–ին նա մահացել էր Մանիլայում, որտեղ նրան էր պատկանում մի քանի հասարակաց տուն։