Ադրբեջանի ազգային անվտանգության նախկին նախարարի՝ Էլդար Մահմուդովի դուստրը Բաքվի կենտրոնում իր Ferrari-ով վթարի պատճառ է դարձել:
«Ենի Մուսավաթ» թերթը հայտնում է, որ Ferrari-ն բախվել է Hyundai մակնիշի մեքենային: Ճանապարհային երթեւեկության այս պատահարը մեծ հնչեղություն է ստացել, քանի որ Hyundai-ն վարել է ժողովրդական արտիստուհի Նազփերի Դոստալիեւայի քույրը՝ երգչուհի Զեյնաբ Դոսթալիեւան:
Ferrari-ի վարորդը հարբած է եղել: Կրիմինալ.az-ի տեղեկություններով՝ վթարից անմիջապես հետո դեպքի վայր է ժամանել «Նիվա» մակնիշի մի մեքենա, որի միջից մի քանի երիտասարդներ են դուրս եկել եւ հանել են Ferrari-ի համարանիշերը: Նրանք էլ հենց այնտեղից տարել են Ferrari-ի հարբած վարորդին, որը, ինչպես պարզվել է, Էլդար Մահմուդովի դուստրն է: