Toyota-ն ներկայացրել է SUV ապրանքանիշի ամենահանրահայտ RAV4-ի նոր, թարմացված մոդիֆիկացիա: Ներկայացված նորույթում անմիջապես հստակ աչքի է զարնում, որ արտադրողը դիզայնի վրա բավական լավ է աշխատել: Սակայն հաճելի նորությունները սրանով չեն սահմանափակվում: Մոդելի տեխնիկական պարամետրերը եւ յուրահատկությունները նույնպես որակական փոփոխություններ են կրել, փոխանցում է motormania.ru-ն:

Հայտնի է դարձել, որ շատ շուտով համաշխարհային ավտոշուկայում կներկայացվի թարմացված Toyota RAV4-ի չորս մոդիֆիկացիա: Բնականաբար, դրանցից յուրաքանչյուրն իր տիրոջը կզարմացնի ընտրության հավաքածուով:

Բազային տարբերակում արդեն մոդելը կստանա սենսորային էկրանով ժամանակակից մուլտիմեդիայի գործառնական համակարգ: Նախկինում այսպիսի սարքով կարող էին պարծենալ միայն պրեմիում մոդելները: Ամենագնացը կունենա շրջանակային տեսադաշտի համակարգ, որը հնարավորություն կտա տեսնել ավտոմեքենայի ամբողջ պարագծով: