iPhone 7–ի էկրանը գոյություն ունեցող դիսփլեյներից լավագույնն է ճանաչվել եւ գերազանցում է ոչ միայն սմրաթֆոններին, այլ նաեւ 4Կ թույլտվությամբ աշխատող պլանշետներին ու հեռուստացույցներին։ Այս մասին է վկայում DisplayMate–ի մասնագետների զեկույցը, փոխանցում է Lenta–ն։
Թեպետ iPhone 7–ի էկրանը 4.7 մատնաչափ անկյունագիծ եւ կետերի 1334х750 թույլտվություն ունի, բայց գույների եւ երանգի ցայտունության ցուցանիշները ավելի լավն են, քան մյուս սարքերինը։
Հաղորդվում է, որ iPhone 7–ի էկրանն ունի LCD դիսփլեյների համար առավելագույն ցայտերանգ, գույների բարձր ճշգրտություն։ Ցայտերանգի եւ պայծառության ցուցանիշներն անգամ ավելի բարձր են, քան նախապես հայտարարվել էր։
Մինչ iPhone 7–ը շուկայում լավագույն դիսփլեյն ուներ iPad Pro պլանշետը՝ 9.7 մատնաչափ անկյունագծով, նշում են DisplayMate–ի մասնագետները։