Ադրբեջանում Գերագույն դատարանի դատավոր Թափդիգ Մահմուդովի կնոջ` Նաթավար Մահմուդավոյի սպանության կասկածանքով կին է ձերբակալվել:
Ենթադրվում է, որ 38-ամյա Խալիդա Բալաբեկ գըզը Ահմեդովան, ժամը 13-ի սահմաններում այցելել է Նաթավան Մահմուդովայի տուն` նրան սպանելու մտադրությամբ: Սպանության պատճառը մարդասպանի 7 հազար մանաթի պարտքն է եղել Մահմուդովային, որը նա չէր վերադարձնում արդեն 3 տարի:
Ահմեդովան արդեն խոստովանել է իր մեղքը, հաղորդում է Trend-ը:
Պարզվել է, որ սպանությունը կատարվել է շահադիտական նպատակներով, բնակարանից գողացվել է մեծ քանակությամբ գումար եւ թանկարժեք իրեր:
Ավելի վաղ NEWS.am-ը հայտնել էր, որ այս գործով դատաբժշկական փորձաքնության համաձայն պարզվել էր, որ դատավորի կնոջն սպանել են փափուկ խաղալիքը դեմքին սեղմելու եւ շնչուղիները փակելու ճանապարհով: Սպանվածը եղել է տան հագուստով, ինչը նշանակում է, որ նա ճանաչել է մարդասպանին եւ թույլ է տվել այցելել իր տուն:
