IHS Marit ընկերության փորձագետները հաշվարկել են 32 Գբ հիշողությամբ նոր iPhone 7-ի բաղադրամասերի բոլոր դետալների արժեքը եւ պարզել են, որ նորույթի ինքնարժեքը 5 անգամ տարբերվում է շուկայական գնից: Այս մասին հայտնում է Informing-ը:
Գաջեթի ներքին պարունակության ուսումնասիրությունը ցույց է տվել, որ սմարթֆոնի փաստացի գինը կազմում է 223,8 դոլար: Փորձագետների խոսքով՝ հաշվի առնելով, որ ի տարբերություն iPhone 6S-ի, iPhone 7-ը մի շարք նոր կոմպոնենտներով եւ տեխնոլոգիաներով է հագեցել, նրա ինքնարժեքը համապատասխանաբար աճել է 36,89 դոլարով:
Վերջին մոդելն ունի բարելավված տեսախցիկ, արտադրողը նաեւ հիշողության ծավալն է մեծացրել: Հարկ է, սակայն, նշել, որ Apple-ն իր նոր մոդելը 649 դոլարով է վաճառում: Այսպիսով, ընկերությունը յուրաքանչյուր սմարթֆոնից 424 դոլար մաքուր շահույթ է ստանում: