Քյոլնում ոստիկանության հատուկ նշանակության ծառայողները սիրիացի դեռահասի են կալանավորել, որը կապ է ունեցել իսլամականների հետ եւ ահաբեկչության իրագործման է պատրաստվել:
Նրա բջջային հեռախոսի տվյալների վերլուծությամբ պարզվել է, որ նա «շփվել է արտասահմանում բնակվող մի մարդու հետ, որը կապ է ունեցել «Իսլամական պետության» հետ եւ երիտասարդ սիրիացիների է հավաքագրել իսլամական ակցիաներ իրականացնելու համար», հայտնել են Քյոլնի դատախազության եւ ոստիկանության ներկայացուցիչները: Ոստիկանության տվյալներով՝ դեռահասը ահաբեկչություն իրագործելու ցանկություն է հայտնել եւ պայթուցիկ սարք հավաքելու հստակ հրահանգներ է ստացել:
Ոստիկանությունը հաստատել է նախնական վարկածը, որի համաձայն՝ 16-ամյա սիրիացի դեռահասը կարճ ժամանակում արմատական հայացքներով է համակվել, փոխանցում DW-ն:
Դեռահասը ոստիկանության հատուկ նշանակության ծառայողների կողմից ձերբակալվել է նախօրեին Քյոլնի մարզադահլիճներից մեկում, որի տարածքում տեղակայված է փախստականների ժամանակավոր ապաստարանը: Օպերացիայի ընթացքում ոստիկանների գործողությունների հետեւանքով փախստականներից երեքը թեթեւ վնասվածքներ են ստացել:
