Երկիրն արմատական փոփոխությունների կարիք ունի: Այսօր՝ սեպտեմբերի 21-ին, լրագրողների հետ զրույցում ասաց ԱԺ ՀՀԿ խմբակցության պատգամավոր Սամվել Ֆարմանյանը:
«Պատմական ժամանակաշրջանը հաշվի առնելով՝ նոր կառավարությունը չհաջողելու իրավունք չունի»,- ասաց նա:
ՀՀԿ-ական պատգամավորի համար նոր նախարարների անկուսակցական լինելը ոչինչ չի նշանակում: Սամվել Ֆարմանյանը համոզված է՝ վարչապետը վարվել է այնպես, ինչպես ինքն է ճիշտ համարել:
Նշենք, որ Կարեն Կարապետյանը վարչապետ է նշանակվել սեպտեմբերի 13-ին՝ փոխարինելով Հովիկ Աբրահամյանին: Նորանշանակ վարչապետն արդեն հասցրել է աշխատանքից ազատել գյուղատնտեսության, տրանսպորտի եւ կապի, ֆինանսների եւ էներգետիկայի եւ բնական պաշարների նախարարներին: