Անկարայում գտնվող Իսրայելի դեսպանատուն դանակով ներխուժել ցանկացող տղամարդը վնասազերծվել է դեսպանատան անվտանգությունն ապահովող ոստիկանների կողմից։
Թուրքական Cumhuriyet-ի փոխանցմամբ՝ Անկարայի նահանգապետարանը հայտարարություն է տարածել, որ Օսման Նուրի անունով անձը 30 սմ երկարություն ունեցող շեղբով դանակով փորձել է ներխուժել Իսրայելի դեսպանատուն, սակայն ոստիկանների զգուշացումներից հետո վնասազերծվել է։
Հայտարարության մեջ նշվել է, որ տղամարդն ունի հոգեկան շեղում եւ որեւէ ահաբեկչական կազմակերպության հետ կապ չունի նրա արարքը։
Նշվում է, որ ոստիկանները զգուշացումից հետո կրակել են նրա ոտքերին։