Ղազախստանում 2016-ի սկզբից ինը ահաբեկչություն է կանխվել: Այս մասին հայտնել է Ազգային անվտանգության կոմիտեի փոխնախագահ Նուրգալի Բիլիսբեկովը, փոխանցում է ՌԻԱ Նովոստին»:
«2011-ից սկսած նախապատրաստման վաղ փուլում կանխվել են 64 բռնի ծայրահեղական ակցիաներ, իսկ այս տարեսկզբից մինչեւ հիմա՝ ինը: Կանխվել են ահաբեկչական հարձակումները քաղբնակչության զանգվածային կուտակումների վայրերում, նաեւ իրավապահ ու հատուկ պետական մարմմինների աշխատակիցների ու օբյեկտների վրա»,- ասել է Բիլիսբեկովը ծայրահեղականության ու ահաբեկչության կանխարգելմանն ուղղված կլոր սեղանի ժամանակ:
Նրա տվյալներով «Աֆղանստանում, Սիրիայում ու Իրաքում զինված հակամարտություններ սկսվելուց հետո միջազգային ահաբեկչական կազմակերպությունների ճանբարներից, նաեւ երրորդ երկրներում հենակետային ու տրանզիտային ենթակառուցվածքից արտաքսվել ու արտահանձնվել են Ղազախստանի 45 քաղաքացիներ, 33-ը ինքնուրույն են վերադարձել: Նրանցից 33-ը քրեական պատասխանատվության է ենթարկվել ահաբեկչական գործունեությանը մասնակցելու համար»:
«Ահաբեկչական ու կրոնական- ծայրահեղական բնույթի հանցագործություններ կատարելու համար հինգ տարում 445 մարդ է դատապարտվել, տարեսկզբից՝ 25 մարդ, քննչական մեկուսարաններում մոտ 50 մարդ կա»- հայտնել ԱԱԿ ներկայացուցիչը:
Նա նշել է, որ զինյալ ահաբեկիչների շարքերին են միանում նոր ռեկրուտներ աշխարհի ավելի քան 80 երկրներից եւ այս համատեքստում ուղիղ սպառնալիք է զինված հակամարտություններին Ղազախստանի քաղաքացիների մասնակցությունը: «Վերջին հինգ տարում ԱԱԿ մարմինները 559 ռեկրուտ- ղազախների արգելել են մեկնել ահաբեկչական ակտիվության գոտիներ»,- ասել է Բիլիսբեկովը: