Վանում կազմակերպված հանրահավաքներին մասնակցելու ժամանակ նախագահին վիրավորելու եւ ահաբեկչական կառույցին գովելու մեղադրանքով Վանի դատախազությունը հարցաքննության է կանչել «Ժողովուրդների դեմոկրատական» կուսակցության 8 պատգամավորի։
Թուրքական Cumhuriyet-ի փոխանցմամբ՝ դատախազության կողմից հարցաքննության հրավիրված 8 պատգամավորների մեջ են «Ժողովուրդների դեմոկրատական» կուսակցության համանախագահներ Սելահաթին Դեմիրթաշն ու Ֆիգեն Յուքսեդաղը։
Նշենք, որ ամիսներ առաջ Թուրքիայի խորհրդարանում սկանդալային ծեծկռտուքներից հետո օրենք ընդունվեց պատգամավորներին անձեռնմխելությունից զրկելու մասին, որն ուղղված էր հենց քուրդ պատգամավորների դեմ։