Վարչապետի հետ մենք շատ երկար համագործակցել ենք։ Այս մասին սեպտեմբերի 22-ին՝ Կառավարության նիստից առաջ, լրագրողներին ասել է էներգետիկայի եւ բնական պաշարների նորանշանակ նախարար Աշոտ Մանուկյանը։
«Նրանից էլ ստացել եմ գերատեսչությունը ղեկավարելու առաջարկը։ Նախկինում մենք երկար տարիներ աշխատել ենք էներգետիկայի ոլորտում եւ կամա–ակամա համագործակցել ենք»,– ասել է նա։
Անդրադառնալով հարցին, թե ինչ կարելի է ակնկալել «Նաիրիտ» գործարանի հնարավոր ներդրողների հետ բանակցություններից, նախարարն ասաց. «Ինձ մեկ շաբա՛թ տվեք, ես կպատասխանեմ ձեր հարցերին»։
Նշենք, որ 2004-2011 եւ 2011-2015 թվականներին Աշոտ Մանուկյանը զբաղեցնում էր Հրազդանի ՋԷԿ–ի գլխավոր տնօրենի տեղակալի, իսկ հետո գլխավոր տնօրենի պաշտոնը։ Կարեն Կարապետյանը 2001-2010թթ. եղել է «ՀայՌուսգազարդ» ՓԲԸ գլխավոր տնօրենը։