Արմավիրի մարզի Էջմիածին քաղաքի ավագանու թեկնածուին առեւանգելու մեջ մեղադրվող Ա.Ա.-ն կալանավորվել է: Այս մասին NEWS.am-ը տեղեկանում է ՀՔԾ լրատվական ծառայությունից:
Հիշեցնենք, որ Արմավիրի մարզի Էջմիածին քաղաքի ավագանու թեկնածուն հաղորդում էր տվել այն մասին, որ 2016 թ. սեպտեմբերի 16-ին՝ ժամը 21:50-ի սահմանում, մի խումբ անձինք Էջմիածին քաղաքում բռնություն են գործադրել իր նկատմամբ եւ իր կամքին հակառակ նստեցրել են ավտոմեքենան, տեղափոխել ամայի տարածք, այնտեղ եւս բռնություն կիրառել ՝ պահանջելով հրաժարվել որպես ավագանու թեկնածու ընտրություններին մասնակցելուց:
Էջմիածին քաղաքի բնակիչ Ա. Ա.-ին մեղադրանք է առաջադրվել ՀՀ ՔՕ 131-րդ հոդվածի 2-րդ մասի 1-ին և 2-րդ կետերով եւ 149-րդ հոդվածի 2-րդ մասի 3-րդ և 5-րդ կետերով:
