Ադրբեջանը համաձայն է որոշակի մակարդակում նավթի արդյունահանման սառեցմանը, եթե նավթ արդյունահանող երկրներն այդպիսի որոշում ընդունեն սեպտեմբերի 27-28-ին Ալժիրում կայանալիք ոչ պաշտոնական հանդիպմանը: Ադրբեջանական լրատվամիջոցների փոխանցմամբ՝ այս մասին հայտարարել է SOCAR-ի ղեկավար Ռովնագ Աբդուլլաեւը:
Միեւնույն ժամանակ, նա ընդգծել է, որ համաշխարհային շուկայում նավթի գները որոշում են ոչ այնքան ՕՊԵԿ-ը, «որքան ԱՄՆ նավթային ընկերությունները, որոնք թերթաքարային նավթ են արդյունահանում, եւ ամերիկյան բակերը»:
Նավթ արդյունահանող երկրների՝ ներառյալ ՕՊԵԿ երկրների եւ Ռուսաստանի նավթի արդյունահանման սահմանափակման համաձայնության հասնելու նախորդ փորձը տապալվել էր: Դոհայում ապրիլի կեսին ընթացած բանակցությունների ընթացքում Սաուդյան Արաբիան պնդել էր, որպեսզի Իրանը ՕՊԵԿ-ի մյուս անդամների հետ սառեցնի նավթի արդյունահանումը, սակայն Թեհրանը մերժել էր, քանի որ միջազգային պատժամիջոցների չեղարկումից հետո նոր է միայն սկսում վերականգնել նավթի արտահանման ծավալները:
