Թուրքական լոբբին բացարձակապես չի խոչընդոտում Ֆրանսիայի նախագահի եւ ֆրանսիացի օրենսդիրների աշխատանքին։ Այս մասին սեպտեմբերի 22-ին՝ Երեւանում մամուլի ասուլիսի ժամանակ, ասել է Ֆրանսիայի Ալֆորվիլ քաղաքի քաղաքապետ Լյուկ Կարբոնասը:
Նրա խոսքով՝ անշուշտ, Ֆրանսիայում թուրքական լոբբին աշխատում է։ «Դա արվում է մի քանի երկրների միջոցով, օրինակ, Թուրքիայի, Ադրբեջանի։ Բայց դա բոլորովին չի խոչընդոտում Ֆրանսիայի նախագահի եւ պատգամավորների աշխատանքին»,– ընդգծել է Կարբոնասը։
«Սակայն Ֆրանսիայի դերը կայանում է ոչ թե նրանում, որ հակազդի Թուրքիային կամ այլ երկրի, այլ, որ նրանց հասկացնել տա՝ նրանք սխալ ուղի են ընտրել»,– հավելել է նա։
