Շիրակի մարզի Գյումրի քաղաքի Խրիմյան Հայրիկ փողոցի թիվ 6Ա շենքի մոտակայքում այսօր՝ սեպտեմբերի 22-ին, հրդեհ է բռնկվել: Այս մասին NEWS.am-ը տեղեկանում է ԱԻՆ մամուլի ծառայությունից:
Հրդեհի հետեւանքով մեկ անձ տուժել է: 1956 թ. ծնված Ս. Հ.-ը հոսպիտալացվել է Գյումրի քաղաքի ԲԿ, որտեղ բժիշկները նրա վիճակը գնահատել են միջին ծանրության:
Հրդեհը մեկուսացվել է ժամը 17.51-ին, մարվել՝ 18.15-ին:
Ամբողջությամբ այրվել է թիվ 237/372 երկհարկանի տան երկրորդ հարկի փայտե տնակը՝ մոտ 100 քմ եւ մոտակայքում գտնվող տան տանիքի փայտե կառուցատարրերը մոտ 50 քմ: