Ռուսաստանի ամբողջ միջուկային զենքը գտնվում է նրա տարածքում, եւ Մոսկվան մտադիր չէ այն այլ երկրներում տեղակայել: Այդ մասին այսօր հայտնել է ՌԴ ԱԳՆ-ի Սպառազինության չտարածման եւ վերահսկողության վարչության պետ Միխայիլ Ուլյանովը, հայտնում է Life-ը:
«Ամբողջ միջուկային զենքը, ներառյալ` մարտավարական, բացառապես մեր պետական տարածքում է: Մենք չենք նախատեսել այն տեղակայել ուրիշ որեւէ շրջանում», — հավելել է Ուլյանովը:
Նա նշել է, որ Ռուսաստանն անհնար է համարում միակողմանի կարգով միջուկային զինաթափումը: «Անհնար է շարունակել միակողմանի կարգով միջուկային զինաթափումը, երբ Ռուսաստանը 85 տոկոսով կրճատել է իր ռազմավարական միջուկային ներուժը», - հայտնել է դիվանագետը, տեղեկացնում է ՏԱՍՍ-ը:
