Գիտնականները պարզել են, որ Երկրի մթնոլորտը թթվածին է կորցնում: Կյանքի համար անհրաժեշտ գազի մակարդակը վերջին 800 հազար տարվա ընթացքում նվազել է 0,7 տոկոսով, հայտնում է Lenta-ն:
Մինչեւ Երկրի վրա կյանքի ծագումը, մեր մոլորակի մթնոլորտում թթվածինը բացակայում էր: Ցիանաբակտերիաների առաջացումից հետո դրա խտությունը սկսել է աճել: Վերջին մի քանի հարյուր մլն տարվա ընթացքում մոլորակի օդային թաղանթում գազերի պարունակությունը կայուն մակարդակում էր մնում:
Հետազոտողները ստուգել են վերջին մի քանի հարյուր հազար տարվա ընթացքում մթնոլորտում թթվածնի խտությունը` վերլուծելով սառցային կերնները` սառույցի նմուշները, որոնք վերցվել էին Գրենլանդիայում եւ Անտարկտիդայում: Դրանցում պղպջակներ են պարունակվում, որոնք անցյալում օդի կազմության մասին տեղեկություններ են պահում: Գիտնականները ստուգել են թթվածնի եւ ազոտի իզոտոպների հարաբերակցությունը եւ պարզել են, որ կյանքի համար անհրաժեշտ գազի քանակությունը գրեթե մեկ տոկոսով նվազել է:
Գիտնականները մի քանի բացատրություն են առաջարկում: Նախ` էրոզիայի արագության մեծացումը կարող էր ուժեղացնել թթվեցման գործընթացները: Երկրորդ` եթե չդիտարկվի կլիմայի անտրոպոգեն փոփոխությունը, վերջին միլիոնավոր տարիների ընթացքում ջրոլորտի միջին ջերմաստիճանը նվազել է, ինչի հետեւանքով օվկիանոսներն ի վիճակի են դարձել իրենց ներսում ավելի շատ թթվածին տարրալուծել:
