Ոստիկանության ՊՊԾ գնդի գրավումից հետո տեղի ունեցած զանգվածային անկարգությունների ընթացքում ոստիկանության աշխատակիցների նկատմամբ բռնություն գործադրելու մեղադրանքով կալանավորված «Հիմնադիր խորհրդարանի» անդամ Հովհաննես Ղազարյանը եւս երկու ամիս կմնա անազատության մեջ: Երեւանի Արաբկիր եւ Քանաքեռ- Զեյթուն վարչական շրջանների ընդհանուր իրավասության դատարանն այսօր՝ սեպտեմբերի 23-ին, բավարարեց նախաքննական մարմնի՝ նրա խափանման միջոց կալանքը երկու ամսով երկարացնելու վերաբերյալ ներկայացրած միջնորդությունը:
Հիշեցնենք, որ Հովհաննես Ղազարյանը կալանավորվել է «Սասնա Ծռեր» խմբի կողմից 2016 թ. հուլիսի 17-ին ՀՀ Ոստիկանության ՊՊԾ գնդի գրավումից հետո տեղի ունեցած զանգվածային անկարգությունների ընթացքում ոստիկանության աշխատակիցների նկատմամբ բռնություն գործադրելու մեղադրանքով: