Volkswagen-ը քիմիայի ոլորտում Շնոբելյան մրցանակ է ստացել (Նոբելյան մրցանակի պարոդիան): Գերմանական ավտոկոնցեռնը այդ պարգեւին արժանացել է վնասակար արտանետումները նվազեցնելու հատուկ սարք ստեղծելու համար, որի պատճառով այսպես կոչված «դիզելային սկանդալ» էր բորբոքվել, հայտնում է Motor–ը:

 2015-ի սեպտեմբերին ԱՄՆ Շրջակա միջավայրի պահպանության գործակալությունը մեղադրել է Volkswagen–ին իր դիզելային ագրեգատների վրա «խաբեբայական» սարքավորումներ օգտագործելու համար: Հատուկ ծրագրային ալգորիթմը ուժային սարքերը իբրեւ փոխադրում էր «մաքուր ռեժիմի»՝ վնասակար նյութերի արտանետումը նվազեցնելով մի քանի տասնյակ անգամ: ԱՄՆ-ում «դիզելգեյթն» անդրադարձել է մոտ 600 հազար ավտոմեքենաների վրա: Ամբողջ աշխարհում այդ «կեղծ» սարքը գործածող մեքենաների քանակը մոտ 11 մլն-ի էր հասնում:

Սկանդալի պատճառով գերմանական կոնցեռնի ղեկավարությունը ստիպված է եղել հրաժարական տալ, Ամերիկայում , Եվրոպայում ու Ասիայում այս հարցով մի շարք հետաքննոթյուններ ու դատավարություններ են սկսվել:

2016-ի ամռանը «Ֆոլկսվագենն» ու ԱՄՆ իշխանությունները եկել են համաձայնության, որի շրջանակում գերմանացիները պարտավորվել են 15 մլրդ դոլար վճարել դիզելային սկանդալը կարգավորելու համար: Գումարը կհատկացվի տուժած հախաճորդներին , նաեւ տեղի բնապահպանական կազմակերպությունների դատական հայցերով վճարումների համար: 2017-ից սկսած Volkswagen-ն ամբողջովին կդադարեցնի դիզելային ավտոմեքենաների ամերիկյան վաճառքը