Իսրայելի վարչապետ Բենիամին Նեթանյահուն, որը Նյու Յրքում է գտնվում ՄԱԿ ԳՎ աշխատանքների շրջանակներում, սեպտեմբերի 25-ին կհանդիպի Հանրապետական եւ Դեմոկրատական կուսակցություններից ԱՄՆ նախագահի թեկնածուներ Դոնալդ Թրամփի եւ Հիլարի Քլինթոնի հետ, փոխանցում է Newsru-Իսրայելը:
Հանդիպման նախաձեռնությունը պատկանում է հանրապետական Դոնալդ Թրամփի շտաբին, որի ներկայացուցիչները դիմել են Նեթանյահուի խորհրդականներին:
Նեթանյահուն հանդիպման առաջարկին համաձայնել է միայն այն բանից հետո, երբ նրա ենթակաները հանդիպում են կազմակերպել Հիլարի Քլինթոնի հետ, որպեսզի առաջիկա ԱՄՆ նախագահական ընտրություններում չեզոք դիրքորոշում պահպանի:
Նշենք, որ Նեթանյահուի շտաբից դեռեւս հինգշաբթի էին հաղորդել, որ Իսրայելի վարչապետը պատրաստ է հանդիպելու նախագահի թեկնածուների հետ, եթե նման հրավեր ստանա:
