«Սասնա ծռեր» խմբի անդամներ Սմբատ Բարսեղյանը եւ Հովհաննես Վարդանյանը կմնան կալանքի տակ: Այսօր` սեպտեմբերի 24-ին, Երեւանի Արաբկիր եւ Քանաքեռ եւ Զեյթուն վարչական շրջանների ընդհանուր իրավասության դատարանը բավարարեց նախաքննական մարմնի միջնորդությունը` նրանց կալանքը երեկարացնելու վերաբերյալ:
NEWS.am-ի թղթակիցն հաղորդում է, որ դատարանի դիմաց են հավաքվել «Սասնա ծռեր» խմբի անդամների հարազատներն ու աջակիցները:
Ավելի վաղ տեղեկացրել էինք, որ Հովհաննես Վարդանյանի ինքնազգացողությունը դատարանում վատացել էր, նրա համար «Շտապօգնություն» էին կանչել:
Հովհաննես Վարդանյանին եւ Սմբատ Բարսեղյանին մեղադրանք է առաջադրվել Քրեական օրենսգրքի 218-րդ (պատանդ պահել) եւ 235-րդ հոդվածներով (զենք, զինամթերք կրել, փոխադրել):