Ջերեմի Կորբինը հաղթել է բրիտանական Լեյբորիստական կուսակցության առաջնորդի վերաընտրությունում` ստանալով 61,8 տոկոս կամ 313 209 ձայն, հայտնում է BBC-ն:
Նրա մրցակցի` նախկին լրագրող Օուեն Սմիթի օգտին քվեարկել է կուսակցության 193 229 անդամ:
Ջերեմի Կորբինն իր կուսակիցներին շնորհակալություն է հայտնել «վստահության եւ աջակցության» համար եւ պարտված ընդդիմախոսին ասել է, որ իրենք երկուսն էլ ընդհանուր «լեյբորիստական ընտանիքի» մաս են կազմում:
Վերաընտրություններ պահանջվել են, երբ լեյբորիստների խմբակցությունը բրիտանական խորհրդարանում քվեարկել է իր առաջնորդին անվստահություն հայտնելու օգտին` նրան մեղադրելով, որ չափազանց թույլ է արձագանքել Եվրամիությունից Բրիտանիայի դուրս գալուն:
