Հռոմում դատարանը լրացում է արել մանկապղծության համար դատապարտված 35-ամյա տղամարդու դատավճռում, որի համաձայն տղամարդը պետք է իր զոհի՝ 15-ամյա մարմնավաճառի համար ֆեմինիստական պրոզայի ու պոեզիայի 30 գիրք գնի, հայտնում է – BBC-ի Ռուսական ծառայությունը:
Բացի դրանից դատավոր Պաոլա դի Նիկոլայի վճռով դատապարտյալը տուժածի համար այդ թեմատիկայով երկու ֆիլմ էլ պետք է գնի: Ընդ որում դատավորը նշել է նաեւ հեղինակներին ու որոշակի ստեղծագործություններ, որոնք դատապարտյալը պետք է ձեռք բերի իր զոհի համար՝ դրանց թվում է նա «Աննա Ֆրանկի օրագիրը» ու Էմիլի Դիքինսոնի պոեզիան:
Նշում են, որ տղամարդը դատապարտվել է երկու տարով:
Այդ ցուցակում ընդգրկված գրողներից մեկը ասել է, որ ավելի լավ կլիներ այդ գրքերը հենց դատապարտյալի համար կարդալ:
Գործակալության տվյալներով Հռոմի ոստիկանությունը երեք տարի հետաքննել է այն մանկապիղծների ցանցի մասին գործը, որոնք սեռական շփումներ են ունեցել 14-15 տարեկան աղջիկների հետ Հռոմի Պարիոլի արվարձանում: Ցանցի կազմակերպիչը ինը տարվա ազատազրկման է դատապարտվել: