Հարավային Կորեան 12 տարվա մեջ առաջին անգամ դուրս է մղվել խոշորագույն ավտոարտադրողների հնգյակից, նրա տեղը զբաղեցրել է Հնդկաստանը, հայտնում է «Յոնհափ» գործակալությունը:
Կորեայի հանրապետությունում 2016-ի առաջին յոթ ամիսներին թողարկվել է 2.55 մլն ավտոմեքենա, մինչդեռ Հնդկաստանում՝2.57 մլն: Օգոստոսին կորեացի ավտոարտադրողները 217 հազար մեքենա են արտադրել, իսկ հնդկականները՝ 387. 7 հազար:
Ընդ որում անցած տարի Հարավային Կորեայում ավտոմեքենաների արտադրության ծավալը կազմել է 4.55 մլն միավոր՝ Հնդկաստանում արտադրված 4.12 մլն միավորի համեմատ:
2002-ին էլ էր Հարավային Կորեան կորցրել հինգերորդ տեղը համաշխարհային ավտոարտադրողների հնգյակում, բայց երեք տարի անց կարողացել է վերականգնել այն:
