Իլինոյսի ոստիկանությունը հայտնել է, որ չեղարկում է համալսարանական կամպուսից ոչ հեռու հրաձգությունից հետո հայտարարված տագնապը:
Ավելի վաղ հայտնել էին, որ Իլինոյսի Ուրբան Շամպեյն համալսարանի ուսանողական քաղաքի տարածքում հրաձգություն է եղել: Ոստիկանությունը փակել էր փողոցների մի մասը ու բնակիչներին խորհուրդ տվել հեռու մնալ դեպքի վայրից:
Սեպտեմբերի 25-ի առավոտյան Ուրբան քաղաքի ոստիկանությունը իր Twitter–ում տեղեկացրել է բնակիչներին տագնապը չեղարկելու մասին: Տեղի ունեցածի մասին տեղեկություններ ունեցող բնակիչներին խնդրում են կապվել ոստիկանության հետ ուղղակի կամ էլ Crime Stoppers անանուն հեռախոսագծով:
Իրինոյսի համալսարանի աշխատակազմը իր կայքում ուսանողներին ու աշխատակիցներին նախազգուշացրել է վտանգի մասին՝ խորհուրդ տալով զգուշություն պահպանել: Ոստիկանությունից նշել են որ չարագործը ուսանողական քաղաքի տարածքում չէ:
Ականատեսների խոսքով Գրին սթրիթ փողոցում առնվազն հինգ կրակոց է լսվել: Սոցցանցերում հայտնում են ինը տուժածների մասին, սակայն ոստիկանությունը այդ տեղեկությունը չի հաստատել:
