Իրաքցի զինվորականները հետ են մղել ԻՊ-ի գրոհը Հիթ քաղաքում եւ սպանել 40 ահաբեկիչների, հաղորդում է Al Sumaria հեռուստաալիքը։ Հիթ քաղաքը գտնվում է Անբար նահանգում, որի մեծ մասը 2014-ից ահաբեկիչների վերահսկողության տակ է։ Վերջին ժամանակներս զինվորականներին հաջողվել է հետ գրավել որոշ տարածքներ, այդ թվում Հիթ քաղաքը։
«ԻՊ-ը գրոհել է Հիթ քաղաքը՝ գնդակոծելով այն հրթիռներով, ականներով եւ այլ զենքերով։ Կոալիցիայի օդանավերը, ազգային օդուժը եւ հրետանին հետ են մղել գրոհը՝ ոչնչացնելով մոտ 40 գրոհայինների»,-հայտնել է գեներալ-մայոր Քասեմ ալ Մոհամադին։
Քաղաքապետը հայտարարել է, որ իրավիճակը գտնվում է վերահսկողության տակ։