Հորդանանի թագավոր Աբդալլա 2-րդը վարչապետ Խանի Մուլկիին հանձնարարել է նոր կառավարություն ստեղծել՝ երկրում անցած խորհրդարանական ընտրությունների կապակցությամբ, հայտնում է Petra պետական գործակալությունը:
Կիրակի միապետը նախ ընդունել է Մուլիի հրաժարականը, իսկ հետո հենց նրան էլ հանձնարարել է նոր կառավարություն ձեւավորել:
Հորդանանում խորհրդարանական ընտրությունները անցել են սեպտեմբերի 20-ին: Դրանց արդյունքներով՝ 130 տեղերի մեծ մասը թագավորին հավատարիմ քաղաքական գործիչներին է բաժին հասել: Իսլամիստները նախորդ արշավների բոյկոտից հետո առաջին անգամ մասնակցել են ընտրություններին ու 16 մանդատ ստացել: Մասնակցությունը չի գերազանցել 37 տոկոսը: